لو على الحزن بنعرف نحزن, بس الحزن مالهوش مكان

.شكرا للناس الي دائما بتكلمنا و تسأل علينا لمجرد السؤال

.شكرا للناس الي لما بتبقى عايزة حاجة منك بتقولك أنها عايزة حاجة مش بتزوق الكلام

.شكرا أن في صديق أو صديقة موجودين في الحياة ديه بيسمعوك و يفضلوا وراك لحد ما تعمل الحاجة الصح و يطمنوا عليك

. شكرا لكل واحد صمم أنه يبدأ مشروع حلمه من الأول و ما أعتمدش على حد عشان واثق من نفسه و مش عايز يقع

.شكرا أن لسه في أغاني حلوة بتنزل في الراديو ليها معنى

.شكرا لكل حد بيصبح على الناس الصبح و بيبتسم للي قدامه مهما كان مين

.شكرا للي بيدي أشارة للي وراه و هو داخل حارة يمين أو شمال تمهيدا للي وراه

.شكرا للي بيقول شكرا و من فضلك وبيبتسملك

الحاجات ديه بتقل يوم عن يوم في الشارع المصري و وجودها لازم يتشكر البني أدم عليه عشان تدعمنا بالتفاؤل. الحياة في مصر مش سهلة مع الحالة الأقتصادية و الزحمة و الناس بقت مش مستحملة اقل كلمة من أي حد. لكن في اللحظات الأخيرة من أي ماتش في الأيام الأخيرة رجعت الروح الحلوة للشارع و أثبت الشارع المصري أنه قادر يفرح و يشجع و يرمي وراء ظهره شوية بس مش ناسي الي وراه و يفرح . و أثبت للعالم أنه أعظم أحلى جمهور.

لسه الراديو بيجيب أغاني للست و فيروز و تخلينا نرجع للجمال القديم و نخلطه بالحاضر. البواب لسه بيقولك صباح الفل يا باشا و لسه بتاع الفل بيقولك خد يا باشا اديه للجميلة الي جمبك حتى لو أختك. و الدعوة الحلوة الي بتتقال لدكتور لما بيساعد مريضه أو الأبتسامة على ست عجوزة وقفت و وقفت الشارع عشان تعديها. و الجميل لما تتلم مع الأصحاب و الأهل و تحكوا و تضحكوا. ثقافتنا فيها حاجات حلوة قوي و أهمها العيشة الهنية حتى لو بعيش و دقة. الحياة البسيطة الي في أخر الليل و بتقول الحمد الله و تنام حتى لو مش عارف هتعمل ايه في أكل تاني يوم. 

السبب من الكلام ده أن الشارع المصري من المشاكل الي عنده و الأفكار و الحواجز و التعب و التوتر بيرجع في أخر اليوم و يبتسم و يفرح و يقولك الحمد الله و خليها على الله

" لو على الحزن بنعرف نحزن, بس الحزن مالهوش مكان في بلدنا"

  

حب ما تعمل

من سنتين, كنت لسه دخلة جامعة , خايفة, فرحانة و متحمسة أني هدرس حاجة علطول شايفة نفسي أني هبقى وهمية فيها. كل ما حد يسألني دخلة أيه ؟ ارد " ديكور" بكل فخر.. فالرد كان أه شكلك يدي فنانة .. :) سنة عدت و كل ما أي حد يسألني أخبار الديكور أيه ؟ أرد أقول وهمي و جميل . جيت في نص سنة تانية حصل أني لقيت تحويلة في دماغي و تفكيري و أني مش عايزة ديكور و عايزة أعرف أكتر عن " أختلاف الثقافات و الحروب العرقية البتحصل " و أزاي أقدر أفهم الغير ختى لو مختلف عني ثقافيا . لقيت ردود فعل غريبة شوية من الناس . أزاي يا بنتي؟ و لما تخلصي هتشتغلي أيه أنشاء الله ؟؟ و هو أبوكي عمال يدفع ده كله و فالأخر بتدرسي أزاي تفهمي الناس ؟ بس الشجعني أكتر أن أبويا نفسه الهما خايفين على فلوسه هو المشجعني على الأختيار ده و هو أول واحد أنا بلغته و معاه ماما طبعا :) و لحد دلوقتي بلاقي هجوم من ناس كتيرة و بعض صحابي لسه مش فاهمين أنا بدرس أيه. بس لما تتكلم قدام 20 طالب " صحابك" فالمحاضرة و الدكتور عن أختلاف تقبل أي خبر مليان بمشاعر لمجرد أنك جاي من ثقافة تانية و تدي كام مثل ليهم يخلي الناس القاعدة مبهورة بالشغل و الشغف البتتكلم بيه ده بالدنيا.. أنا بحب البدرسه و هفضل أشجع نفسي مدام شايفة نفسي فرحانه و أنا بذاكره و مش عارفة أبطل أدخل في مناقشات فيه :)

 #حب_ما_تدرس_حتي_تجد_السعادة 

أحمد ربنا على الأهل

العيش بعيد عن أهلك بيعلمك حاجات كتيرة و بيعرفك قيمتهم... 

بيعلمك تصحى من غير ما ماما تيحي تقولك أصحى يا عمري و يلا أنا هحضر الفطار لحد متستحمى و تلبس... بيعرفك أزاي تشتري الطلبات و قد أيه ده مهلك و تبقى شايل مليون حاجة مرة واحدة... تبقى شغال و بتذاكر و بتطبخ و تنضف بيت و مسؤلية على دماغك أنك تبقى كله مظبوط على الواحدة.... تتعلم أن لو تعبت هتروح للدكتور لوحدك و تجيب دواك لواحده و تعمل أكل لنفسك و أنت تعبان علشان ماما مش هنا " أنت نسيت ولا أيه ؟" .... أتعلم تدور على الحاجات الضايعة منك في كا حتة فالبيت ههههه .. هتبقى بتكلم أهلك تسألهم الأكلة المعينة بتتعمل أزاي .. أو أسعار الحاجات أيه ؟ هتلاقي نفسك تلقائيا بتكلمهم من غير سبب تقولهم وحشتوني و شكرا !!

Dear President Trump

Muslim Ban from the U.S was a great idea to show people across the world how Poor-politically and culturally you are educated. Let me teach you something, if you don't know, the United States is a Multicultural country, with many cultures, languages, beliefs and faiths. What you did is the same as 9/11 events did to the U.S Citizens and the whole world, " IT BROUGHT THEM ALL TOGETHER AGAIN, BUT THIS TIME IT IS AGAINST A WESTERN MAN". You need to read a lot about the culture, and the history of your country and basically who helped in its development.

Responding to what you just did, here is something you literally want to read.

"The Earth is but one Country, and Mankind its Citizens "

~Baha'u'llah

So no one is Illegal !

Like

Love

Haha

Wow

Sad

A

البنت مش سلعة

" أيه ده أنت كان صوتك عالي قوي النهارده و أحرجتينا و الكل كان بيبص" " و إنت بتقول أنا غلط و سايبهم يحكموا على أفعالي عادي ؟" الي كل بنت تعاني من الحكم على شخصيتها: البنات اللي بتعرف تتكلم و تعبر عن نفسها و بتدي و تاخد معاك في الكلام ديه مش بنت شمال و بتعرف تظبط أمورها! البنات اللي يعرفوا يتكلموا هما بنات عندهم أريحية أنهم يبقوا على طبيعتهم مع الولاد اللي يتكلموا معاهم و بيعتبروهم أخواتهم. بنات كتير من صحابي بيواجهوا المشكله ديه لما بيتكلموا مع ناس يعرفونهم و يلاقوا الولاد بيقولوا انهم قادرين و عارفين يتكلموا و واخدين راحتهم . ليه الولد لما يبقى بيعرف يتكلم يبقى خطير و البنت لما تبقى جريئة و تتكلم تبقى مش متربية ؟ المفاهيم ديه غلط , الثقافة التي جابت المفاهيم ديه غلط! المرأة كان ليها ظهور و ظهور واضح كمان في المجتمع, الست المصريه دائما تسعى أنها تكبر و تربي و تبني بيت يعني حتى لو معندهاش مهنة " على مكتب" بس كفايه انها تبقى بتخلق عائلة ! المشكلة أن فكرة أن البنت تبقى بتعرف تتكلم فى المناطق العامة بصوت عالي أو ليها صوت واضح في موضوع حاجة جديدة و مختلفة , و أحنا طبيعة مجتمعنا أن أحنا مش بنقبل المختلف. البنت اللي بتعرف تعبر نفسها مش شمال, البنت الي تاخذ راحتها في الكلام قوية و شجاعة و تعرف تعتمد على نفسها و مش هتحتاج حد يأخذ لها حقها في يوم من الأيام. الحكم الزائد على البنات مش من حق أى حد, بالعكس أحنا مش سلعة و في فاترينة مستنين آراء المشترين ! عشان لو ده صح يبقى وجودنا في المجتمع ملوش أي قيمة و ساعتها تبقى كارثة . مفيش حد عنده الحق أنه يحكم على أي بنت " البنت اللي تقولوا عليها مش متربية " أومش هاممها منظرها عندها أب و أم و عارفين بتعمل إيه و وواثقين في بنتهم …. أنا بتكلم عن نوع معين من البنات ( اللي بدأت أول المقال بيهم) يعني حكمكم هيبقى تشويه النفس للبنت. أحنا مش سلعه معروضه بيتحكم عليه انا انسان مثلي مثلك ! للبنات الي يعانون من الحكم عليهم, هما ميعرفوش حضرتك كويس! و محدش عنده الحق أنه يحكم عليكي و عيشي و خليكي على طبيعتك ….. أنت عارفه تربيتك وأخلاقك عاملة إزاي ! #أنت مش سلعه

أبتسم أنت أيجابي

ناس كتير بتخاف تجرب حاجه جديدة, بتقول لنفسها أنا لسه صغيرة, محدش هياخد بكلام واحد في جامعة أو مدرسه. أو أنا لسه صغيرة أشيل مسؤليه. في نفس الوقت في ناس بتعافر وسط مسؤليتها و عايزه تنجح و تلاقي الي يقول أنت لسه صغير متعرفش حاجه و معندكش خبرة في الحياة ذي الكبار. 

المشكله في النوعين دول من الناس أنهم بيفقدوا ثقتهم بنفسهم و أول حاجه بتيجي في دماغهم الأحباط, مفيش فايدة, و لسه بدري. مع أن ده أكبر غلط....... 

نسيبنا من كلام الناس الي لا بيودي ولا بيجيب, أسعى و دور على فرص شغل, تدريب, دراسه, منح, Training, Activities, تطوع .. كل الحاجات ديه هتكسبك خبرة و تديك ثقه بالنفس و تدي طاقه ايجابيه للشخص تخلي تفاؤله بالحياة 100% و ثقته بالنفس و فرحته بنفسه 10/10 . 

الكلام لم يكن من فراغ, أنا عندي 20 سنه و من و أنا عندي 15 سنه بدور على فرصه أثبت فيها جدارتي و أعمل حاجه بحبها. أه أكيد فيه ساعات بيأس مرات " يعني من الأخر و لا حاجه". و في ناس أحسن مني في أنهم يسعوا وراء الفرص و الناس ديه هما الي بيدوا طاقه أيجابيه ليا و لناس تانيه كثير.

مش معنى أن أحنا لسه في جامعه , أن أحنا معندناش الحق أن نكتر من خبرتنا و ندور عل شغل و فرص تكتر من الخبرات ديه. أجمل حاجة الشباب بيعملها أنوا بيتعلم و شايل مسؤليه تعليمه. لازم كل واحد يتأكد أن في المستقبل على الأقل 5 أشخاص هيبقوا فخورين أنهم يعرفوك, و ده معناه أنك عملت حاجه و أنك مجرد حاولت! 

ثق بنفسك, حب نفسك, متخليش حد يحبطك و ينزل من معنوياتك_ أنت السبب الوحيد الي هيخليك أيجابي.

#أبتسم_فأنت_أيجابي

:من الحاجات الممكن نشوفها و نعرف نلاقي فرص 

1- AFS : منح للتبادل الثقافات
2-AISEC: منح للسفر
3-  : جامعه القاهرة بتدرب نماذج ل
MAC :models of American Congress

ImEU: model of European Union

ALMUN :Arab league model of united Nations

 MOIC :model.orgainzation for Islamic co-operation

 4- منحة SUSI:
a.Social entrepreneurship
لو انتا مهتم بريادة الأعمال وعندك فكرة كويسة تقدر تساعد لحل مشكلة فى المجتمع تقدر تقدم فى البرنامج ده وأهم حاجة أنك تقدر تعرض فكرتك بشكل كويس.
b. Religious pluralism
البرنامج ده للأشخاص اللى عندها فكرة عن الديانات المختلفة وخد بالك انك بتمثل دينك.
c. Civic engagement
فى حالة ان انت مش مهتم بريادة الأعمال ومعندكش فكرة عن الديانات المختلفة ... بس مهتم بالأنشطة التطوعية ... يبقى البرنامج ده ليك .. خاصة لو كانت الأنشطة التطوعية ليها علاقة بالمجتمع او السياسة .
d. Women’s leadership
ودى زى ما هى واضح من اسمها انها للبنات بس ( عنصرية =D ) .... والأفضلية فى الأختيار بتكون للبنت اللى عنها مهارات شخصية وقيادية فى المجتمع.